मुखार्बिन्दु हजुरको खोलिब्क्स्योस न
म कुर्दैछु केहि त बोलिबक्स्योस न ।
गल्ती भो मेरो माफी दिइबक्स्योस न
नाकको टुप्पाको रिस पिइबक्स्योस न ।
मेरो कहाँ त्यो पहुँच हजुर सरकारी मान्छे
म सर्बसाधारण मलाई तुच्छ लिइबक्स्योस न ।
काम एकै दिनको तर महिनौं चक्कर काट्छु
मेरो कामै नभाको झैं झुलाईदिइबक्योस न ।
तलब सरकारले दिन्छ तर त्यल्ले के पुगोस
घुस नदिइ मेरो सिन्को नसारिदिबक्स्योस न ।
मैले सबै सहनु पर्छ मेरो के औकात छ र
भोली भोली भनेर मलाई टारिदिइबक्स्योस न ।