आफुले चाहेको नि कुनै कुरा भैदिए पो हुन्थ्यो
अधुरो कुनै आफ्नो सपना पुरा भैदिए पो हुन्थ्यो ।
होसमा बस्नै छैन मलाई बेहोसी नै प्यारो लाग्छ
मैले पिउने पानी नै पनि सुरा भैदिए पो हुन्थ्यो ।
चर्का हल्लाहरु समेत मधुर संगीत लागोस न बरु
आवाज दिने सबै थरी तानपुरा भैदिए पो हुन्थ्यो ।
दुनियालाई खेल देखाउने चटके बन्न पाए अहो
मेरो इशारामा नाच्न सबै जमुरा भैदिए पो हुन्थ्यो ।
कैलेकाहिं त लाग्छ मलाई पहाड नै बोकी हिंडौं
बडेमाका पर्वत समेत साना भुरा भैदिए पो हुन्थ्यो ।
आफुले चाहेको नि कुनै कुरा भैदिए पो हुन्थ्यो
अधुरो कुनै आफ्नो सपना पुरा भैदिए पो हुन्थ्यो ।