काभ्रेपलान्चोकको धुलिखेल नगरपालिका स्थित बखुण्डोल भन्ने ठाउँमा ४२ बर्ष अघी जन्म लिंदा के ठेगान थियो र त्यस बालकको साहित्य प्रतिको आशक्ती यती गाढा हुन्छ भनेर ! बाको प्यारो कान्छो छोराले बा कै काखमा संस्कृतका केहि श्लोकहरु सिक्दै गर्दा त्यसैको केहि प्रभाव परेको हुन सक्छ यस्तो आशक्तिका लागी । त्यतिखेरको अङ्रेजि आवासिय बिद्यालयहरुमा प्रवेशिका उतिर्ण गरुन्जेल कविता, निबन्ध, वादविवाद र गायन प्रतियोगिताहरुमा सँधै अव्वल भै रहँदा आफूमा कला, साहित्य र संगीत प्रतिको रुचि प्रवल रहेको सामान्य ज्ञान प्राप्त भएको मान्न सकिन्छ।
विविध कारणवस विधालय जिवन पश्चात काठमान्डौ विश्वविधालयमा बिताएका अघिल्ला दुई बर्ष नेपालि कक्षामा कुनै कुनै बेला कविता सुनाउने बाहेक साहित्यका अन्य विधाहरुमा कलम चलाउन सकिएन । एकैचोटी सन २००८ मा फेसबूक नामको सामाजिक संजालको प्रयोगकर्ताका रुपमा दर्ता भएपछी त्यसैबेला देखी आज १४ बर्ष बित्दासम्म विशेषत कविता र मुक्तक अनि केहि अवसरहरुमा निबन्धहरुको सृजनामा अनवरत लागिरहँदा फेसबुकमा पोष्ट्याइएका आफ्ना रचनालाई अभिलेखिकरणा गर्ने, धेरै पाठक बटुल्ने, आफू जस्ता अन्य साहित्यानुरागिहरुलाई समेट्ने र नेपाली भाषा साहित्यका मुर्धन्य व्यक्तित्वहरुलाई सम्मान र कदर गर्दै नेपाली कला, संष्कृती, भाषा र साहित्यको निरन्तर निर्माण भैरहेको गौरवशाली ईतिहासमा आफूलाई पनि उभ्याउने लालसाले मलाई यो वेबसाईट निर्माण गर्न हौस्याएको हो।
आशा छ, यसै मंच मार्फत नेपाली साहित्यमा सानो भएपनी योगदान पुर्याउने मेरो अभिलाषा पुरा गर्न सक्नेछु ।